Maharashtra Govt Formation LIVE | नव्या मंत्रिमंडळाची बैठक संपली, मुख्यमंत्री उद्धव ठाकरे यांच्यासह मंत्रीमंडळ सदस्य आणि अजित पवारांचीही उपस्थिती

महाराष्ट्राला 20 वर्षांनी शिवसेनेचा मुख्यमंत्री मिळणार आहे. शिवसेना पक्षप्रमुख उद्धव ठाकरे आज मुख्यमंत्रीपदाची शपथ घेणार आहेत. आदित्य ठाकरेंच्या रुपाने ठाकरे घराण्यातील पहिली व्यक्ती निवडणूक लढली तर उद्धव ठाकरेंच्या रुपाने ठाकरे कुटुंबातील पहिली व्यक्ती आता राज्याचा कारभार चालवणार आहे.

28/11/2019 20:39:12

मुख्यमंत्री उद्धव ठाकरे पहिल्या मंत्रिमंडळ बैठकीसाठी सह्याद्री अतिथिगृहावर दाखल

28/11/2019 22:07:44

नव्या मंत्रिमंडळाची बैठक संपली, मुख्यमंत्री उद्धव ठाकरे यांच्यासह मंत्रीमंडळ सदस्य आणि अजित पवारांचीही उपस्थिती

28/11/2019 17:40:03

शरद पवार शिवतीर्थाकडे रवाना, सिल्व्हर ओकवरुन पवार निघाले

28/11/2019 17:40:14

मुंबई : शिवाजी पार्कपासून ते सिद्धिविनायक मंदिर या कॅडेल रोडवर खाजगी वाहनांसाठी रस्ता बंद, शिवाजी पार्कपासून 2 किलोमीटर अंतरावरुन शिवाजी पार्कच्या दिशेने जाणाऱ्या रस्त्यांवर पोलिसांची नाकेबंदी

28/11/2019 14:55:14

शपथविधी झाल्यावर सह्याद्रीला 8 वाजता मंत्रिमंडळ बैठक होणार, महाविकासआघाडीची पहिली मंत्रिमंडळ बैठक

28/11/2019 14:55:14

शपथविधी झाल्यावर सह्याद्रीला 8 वाजता मंत्रिमंडळ बैठक होणार, महाविकासआघाडीची पहिली मंत्रिमंडळ बैठक

28/11/2019 14:23:58

मी आज मंत्रीपदाची शपथ घेणार नाही. शिवतीर्थावर उद्धव ठाकरे यांच्यासह एकूण सहा आमदार मंत्रीपदाची शपथ घेणार आहेत, असं स्पष्टीकरण अजित पवार यांनी दिलं आहे. उपमुख्यमंत्री अजित पवारच होणार असून ते आज शपथ घेणार नसल्याची माहिती सूत्रांनी दिली होती.

28/11/2019 14:26:06

मी आज मंत्रीपदाची शपथ घेणार नाही. शिवतीर्थावर उद्धव ठाकरे यांच्यासह एकूण सहा आमदार मंत्रीपदाची शपथ घेणार आहेत, असं स्पष्टीकरण अजित पवार यांनी दिलं आहे. उपमुख्यमंत्री अजित पवारच होणार असून ते आज शपथ घेणार नसल्याची माहिती सूत्रांनी दिली होती.

28/11/2019 14:07:29

राज ठाकरे शपथविधीला जाणार, उद्धव ठाकरेंनी स्वतः फोन करून निमंत्रण दिलं होतं.

28/11/2019 12:47:47

महाविकासआघाडीची आज दुपारी 4 वाजता पत्रकार परिषद घेणार आहेत. मुंबईतील रंगशारदामध्ये किमान समान कार्यक्रमावर एकनाथ शिंदे, जयंत पाटील आणि बाळासाहेब थोरात पत्रकार परिषद घेणार आहेत.

28/11/2019 12:06:29

अजित पवारच महाराष्ट्राचे उपमुख्यमंत्री होणार असल्याची माहिती सूत्रांनी दिली आहे. मात्र आज शपथविधी होणार की नाही याबाबत अस्पष्टता आहे.

28/11/2019 11:14:27

अजित पवार पुन्हा नॉट रिचेबल, सकाळपासून घरी नसल्याची माहिती, नाराज असल्याची चर्चा

28/11/2019 11:38:54

सुप्रिया सुळे आणि अजित पवार यांचा फोनवरून संपर्क अजित पवार संध्याकाळी साडे पाच वाजता सिल्वर ओकवर येणार तिथून सुप्रिया सुळे आणि अजित पवार एकत्र शपथविधी सोहळ्यासाठी जाणार

28/11/2019 10:42:12

सुप्रिया सुळे आणि अजित पवार यांचा फोनवरून संपर्क अजित पवार संध्याकाळी साडे पाच वाजता सिल्वर ओकवर येणार तिथून सुप्रिया सुळे आणि अजित पवार एकत्र शपथविधी सोहळ्यासाठी जाणार

28/11/2019 10:41:15

उपमुख्यमंत्रीपदाबाबत अद्याप सांगण्यात आलेलं नाही, असं स्पष्टीकरण राष्ट्रवादी काँग्रेसचे नेते जयंत पाटील यांनी दिलं आहे. एबीपी माझाशी केलेल्या एक्स्क्लुझिव्ह बातचीतमध्ये ते बोलत होते. उद्धव ठाकरे आज मुख्यमंत्रीपदाची शपथ घेणार आहेत. तर उपमुख्यमंत्री म्हणून जयंत पाटील शपथ घेतील, अशी चर्चा आहे. मात्र उपमुख्यमंत्रीपदासाठी अजित पवारांचं नावही चर्चेत आहे. दरम्यान आम्ही विरोधी पक्षात बसण्याची तयारी केली होती, पण आता कामाची संधी मिळत असल्याचं जयंत पाटलांनी सांगितलं.

28/11/2019 10:20:41

उपमुख्यमंत्रीपदाबाबत अद्याप सांगण्यात आलेलं नाही, असं स्पष्टीकरण राष्ट्रवादी काँग्रेसचे नेते जयंत पाटील यांनी दिलं आहे. एबीपी माझाशी केलेल्या एक्स्क्लुझिव्ह बातचीतमध्ये ते बोलत होते. उद्धव ठाकरे आज मुख्यमंत्रीपदाची शपथ घेणार आहेत. तर उपमुख्यमंत्री म्हणून जयंत पाटील शपथ घेतील, अशी चर्चा आहे. मात्र उपमुख्यमंत्रीपदासाठी अजित पवारांचं नावही चर्चेत आहे. दरम्यान आम्ही विरोधी पक्षात बसण्याची तयारी केली होती, पण आता कामाची संधी मिळत असल्याचं जयंत पाटलांनी सांगितलं.

28/11/2019 10:14:34

काँग्रेस आणि राष्ट्रवादीतील धुसफूस सुरुच आहे. विधानसभा अध्यक्षपदी पृथ्वीराज चव्हाण यांच्या नावाला राष्ट्रवादीचा विरोध आहे. त्यामुळे अशोक चव्हाण यांचं नाव पुन्हा चर्चेत आलं आहे. त्यामुळे आजच्या शपथविधी सोहळ्यात काँग्रेसकडून दुसरं नाव कोणते याबाबत पुन्हा संभ्रम निर्माण झाला आहे.

28/11/2019 10:09:51

काँग्रेस आणि राष्ट्रवादीतील धुसफूस सुरुच आहे. विधानसभा अध्यक्षपदी पृथ्वीराज चव्हाण यांच्या नावाला राष्ट्रवादीचा विरोध आहे. त्यामुळे अशोक चव्हाण यांचं नाव पुन्हा चर्चेत आलं आहे. त्यामुळे आजच्या शपथविधी सोहळ्यात काँग्रेसकडून दुसरं नाव कोणते याबाबत पुन्हा संभ्रम निर्माण झाला आहे.

28/11/2019 10:07:57

महाराष्ट्रासाठी आज ऐतिहासिक दिवस आहे. कारण तब्बल 20 वर्षांनी शिवसेनाचा मुख्यमंत्री होतोय, असं वक्तव्य शिवसेना खासदार संजय राऊत यांनी केलं. तसंच नवं सरकार पाच वर्षांचा कार्यकाळ पूर्ण करेल, असा विश्वासही राऊत यांनी व्यक्त केला.

28/11/2019 08:54:59

शिवसेना पक्षप्रमुख उद्धव ठाकरे यांचा शपथविधी आज शिवतीर्थावर पार पडणार आहे. यासाठी शिवाजी पार्कवर जय्यत तयारी करण्यात आली आहे. शपथविधीसाठी शिवाजी पार्कवर कला दिग्दर्शक नितीन चंद्रकांत देसाई यांनी भव्य सेट उभारला आहे. आज शिवतीर्थावर होणाऱ्या शपथविधी सोहळ्याच्या भव्य मंचाची एक झलक

28/11/2019 08:52:22

शिवसेना पक्षप्रमुख उद्धव ठाकरे यांचा शपथविधी आज शिवतीर्थावर पार पडणार आहे. यासाठी शिवाजी पार्कवर जय्यत तयारी करण्यात आली आहे. शपथविधीसाठी शिवाजी पार्कवर कला दिग्दर्शक नितीन चंद्रकांत देसाई यांनी भव्य सेट उभारला आहे. आज शिवतीर्थावर होणाऱ्या शपथविधी सोहळ्याच्या भव्य मंचाची एक झलक

28/11/2019 08:46:52

मध्य प्रदेशचे मुख्यमंत्री कमलनाथ आणि छत्तीसगडचे मुख्यमंत्री भूपेश बघेल उद्धव ठाकरे यांच्या शपथविधी सोहळ्याला उपस्थित राहणार आहेत.

28/11/2019 08:41:25

मध्य प्रदेशचे मुख्यमंत्री कमलनाथ आणि छत्तीसगडचे मुख्यमंत्री भूपेश बघेल उद्धव ठाकरे यांच्या शपथविधी सोहळ्याला उपस्थित राहणार आहेत.

28/11/2019 08:39:50

उद्धव ठाकरे यांच्या आजच्या शपथविधी सोहळ्याला काँग्रेस अध्यक्षा सोनिया गांधी येण्याची शक्यता आहे. युवासेना प्रमुख आणि आमदार आदित्य ठाकरे यांनी काल रात्री सोनिया गांधी यांची भेट घेतली होती. त्यानंतर राष्ट्रवादी काँग्रेसचे सर्वेसर्वा शरद पवार यांनीही रात्री फोनवरुन त्यांच्याशी संपर्क साधला. त्यामुळे सोनिया गांधी शपथविधीला उपस्थित राहणार असल्याची शक्यता वर्तवली जात आहे.

প্রেক্ষাপট

मुंबई : उद्धव ठाकरे यांच्या रुपाने महाराष्ट्राला आज (28 नोव्हेंबर) नवा मुख्यमंत्री मिळणार आहे. शिवसेना पक्षप्रमुख उद्धव ठाकरे आज संध्याकाळी 6 वाजून 40 मिनिटांनी महाराष्ट्राचे नवे मुख्यमंत्री म्हणून शपथ घेणार आहेत. या शपथविधी सोहळ्यासाठी शिवतीर्थावर अर्थात शिवाजी पार्कवर जय्यत तयारी करण्यात आली आहे. ठाकरे घराण्यातली पहिलीच व्यक्ती मुख्यमंत्रीपदी विराजमान होणार असल्याने शिवसैनिकांमध्ये उत्साह आहे. शिवसेना आज याठिकाणी जोरदार शक्तीप्रदर्शन करण्याची शक्यता आहे. उद्धव ठाकरेंच्या शपथविधीसाठी राज्यभरातून शिवसैनिक मुंबईत दाखल झाले आहेत.

उद्धव ठाकरे यांच्यासोबत महाविकासआघाडीच्या तीन पक्षांमधील प्रत्येकी दोन आमदारही आज मंत्रीपदाची शपथ घेणार आहे. शिवसेनेकडून सुभाष देसाई आणि एकनाथ शिंदे, राष्ट्रवादी काँग्रेसकडून जयंत पाटील आणि छगन भुजबळ तर काँग्रेसकडून बाळासाहेब थोरात आणि अशोक चव्हाण मंत्रीपदाची शपथ घेतील.

काँग्रेस-राष्ट्रवादीला कोणती खाती?
उद्धव ठाकरेंचं सरकार येत असलं, तरी मंत्रीमंडळाचा विस्तार मात्र 3 डिसेंबरनंतर होणार आहे. महाविकासआघाडीच्या सरकारमध्ये 5 वर्षांसाठी उपमुख्यमंत्री हा राष्ट्रवादीचा असणार आहे. उपमुख्यमंत्रीपदासाठी जयंत पाटील यांचं नाव निश्चित करण्यात आलं आहे. तर विधानसभा अध्यक्ष 5 वर्षांसाठी काँग्रेसला मिळणार आहे. माजी मुख्यमंत्री पृथ्वीराज चव्हाण यांच्याकडे विधानसभेचं अध्यक्षपद सोपवण्याची शक्यता आहे. याशिवाय विधानसभा उपाध्यक्षपद मिळवण्यात राष्ट्रवादी काँग्रेसला यश आलं आहे. मुंबईतील वाय. बी. चव्हाण सेंटरमध्ये काल (27 नोव्हेंबर) रात्री तब्बल चार तास महाविकास आघाडीच्या नेत्यांची बैठक पार पडली. शरद पवार, उद्धव ठाकरे, काँग्रेसचे अहमद पटेल, मल्लिकार्जुन खर्गे आणि राज्यातले इतर महत्त्वाचे नेते या बैठकीला उपस्थित होते. बैठक संपल्यानंतर राष्ट्रवादीच्या प्रफुल पटेलांनी ही माहिती दिली आहे.

कोणाकोणाला निमंत्रण?
युवासेनाप्रमुख आणि शिवसेना आमदार आदित्य ठाकरे यांनी काल प्रत्यक्ष भेट घेऊन काँग्रेस अध्यक्षा सोनिया गांधींना शपथविधीचं निमंत्रण दिलं आहे. त्यानंतर आदित्य ठाकरे यांनी देशाचे माजी पंतप्रधान डॉ. मनमोहन सिंह यांचीही त्यांच्या निवासस्थानी जाऊन भेट घेतली आणि शपथविधीचं निमंत्रण दिलं. तर, उद्धव ठाकरेंनी पंतप्रधान मोदींना शपथविधी सोहळ्याचं फोनवरुन निमंत्रण दिल्याची माहिती मिळत आहे. याशिवाय विविध राज्यांमधील काँग्रेसच्या मुख्यमंत्र्यांना बोलावल्याचं विजय वडेट्टीवार यांनी सांगितलं. तसंच द्रमुक पक्षाचे अध्यक्ष एम. के. स्टॅलिन, तृणमूल काँग्रेसच्या अध्यक्षा आणि पश्चिम बंगालच्या मुख्यमंत्री ममता बॅनर्जी, आम आदमी पार्टीचे नेते आणि दिल्लीचे मुख्यमंत्री अरविंद केजरीवाल यांना देखील निमंत्रण पाठवण्यात आलं आहे.

400 शेतकऱ्यांसह आत्महत्याग्रस्त शेतकऱ्यांना कुटुंबियांनाही निमंत्रण
उद्धव ठाकरे यांच्या शपथविधीसाठी महाराष्ट्रातील वेगवेगळ्या जिल्ह्यांमधील तब्बल 400 शेतकऱ्यांना निमंत्रण देण्यात आलं आहे. तसंच राज्यातील अनेक आत्महत्याग्रस्त शेतकऱ्यांच्या कुटुंबियांनादेखील निमंत्रण पाठवण्यात आलं आहे. राज्यातील शेतकऱ्यांना शपथविधी सोहळ्यासाठी निमंत्रित करुन आम्ही शेतकऱ्यांचा सन्मान करु इच्छितो, असं शिवसेना खासदार विनायक राऊत यांनी सांगितलं.

पायी वारी करणाऱ्या शेतकरी दाम्पत्याला बोलावणं
यासोबतच शिवसेनेचा मुख्यमंत्री व्हावा म्हणून अनवाणी चालत विठुरायाला साकडं घालणाऱ्या शेतकरी दाम्पत्यालाही शपथविधीचं निमंत्रण देण्यात आलं आहे. सांगलीच्या जत तालुक्यातील बनाळी येथील शेतकरी संजय सावंत आणि त्यांच्या पत्नी रुपाली यांनी शिवसेनेचा आणि तेही उद्धव ठाकरे मुख्यमंत्री व्हावेत यासाठी बनाळीपासून पंढरपूरपर्यंत अनवाणी चालत येऊन देवाला नवस केला होता. सांगलीच्या जत तालुक्यातील बनाळी येथील शेतकरी संजय सावंत आणि त्यांच्या पत्नी रुपाली यांनी शिवसेनेचा आणि तेही उद्धव ठाकरे मुख्यमंत्री व्हावेत यासाठी बनाळीपासून पंढरपूरपर्यंत अनवाणी चालत येऊन देवाला नवस केला होता.

मुंबई पोलिसांच्या सूचना
दरम्यान आजच्या शपथविधीसाठी राज्यभरातून शिवसैनिक शिवाजी पार्कवर येणार आहे. या पार्श्वभूमी मुंबई पोलिसांनी नागरिक, मान्यवर व्यक्ती, राजकीय नेते, पत्रकार, शेतकऱ्यांसाठी सूचना जारी केली आहे.

संबंधित बातम्या

• 'मी उद्धव बाळासाहेब ठाकरे'... लेखक, कवी, उत्तम फोटोग्राफर ते मुख्यमंत्री, भन्नाट जीवनप्रवास

• शपथविधीसाठी पंतप्रधानांसह, सोनिया गांधी, मनमोहन सिहांना आमंत्रण, मोदींच्या ठाकरेंना फोनवरुन शुभेच्छा

• महाराष्ट्र विधीमंडळात नातलगांचा मेळा दिसणार, घराणेशाही मात्र थांबेना

• 'ठाकरे सरकार'मध्ये 'या' नेत्यांची मंत्रिपदी वर्णी लागण्याची शक्यता

• उद्धव ठाकरेंच्या शपथविधीचं आत्महत्याग्रस्त शेतकऱ्यांच्या कुटुंबीयांना निमंत्रण, राज्यभरातून 400 शेतकरीही येणार

• शिवसेनेचा मुख्यमंत्री होण्यासाठी पायी वारी करणाऱ्या शेतकरी दाम्पत्याला उद्धव ठाकरेंकडून शपथविधीचं निमंत्रण

• विधानसभा निवडणुकीआधी भाजपची वाट धरलेल्या 'या' नेत्यांचं टायमिंग चुकलं!