LIVE UPDATES | मुलुंड येथील स्विमिंग पूल ची क्लोरीन वहिनी फुटून सात जण अस्वस्थ

देश विदेशातील महत्त्वाच्या घडामोडींचा आढावा एका क्लिकवर

ওয়েব ডেস্ক, এবিপি আনন্দ Last Updated: 11 Dec 2019 09:45 PM

11/12/2019 21:44:13

मुलुंड येथील कालिदास नाट्यगृह परिसरात असलेल्या मुंबई महानगरपालिकेच्या प्रियदर्शनी इंदिरा गांधी क्रीडा संकुलातील तरुण तलावाला जोडलेली क्लोरीन वायू ची गळती होऊन 7 जणांना त्रास होऊन उलट्या, खोकल्याच्या त्रास झाल्याची घटना समोर आली आहे.यात एक महिला अग्निशमन कर्मचारी, 2 सुरक्षा रक्षक आणि 3 महिला सफाई कामगार यांचा समावेश आहे.पोलिसांनी दिलेल्या माहितीनुसार आज संध्याकाळी पाच वाजताच्या दरम्यान येथील कर्मचाऱ्यांना तलावाला जोडलेली क्लोरीन ची पाईप लाईन मधून क्लोरीन गॅस लिकेज झाल्याने खोकला आणि उलट्या चा त्रास होऊ लागला.त्यांनी तात्काळ याची माहिती अग्निशमन दलाला दिली.अग्निशमन दलाचे जवान घटना स्थळी दाखल झाले परंतु त्यांच्या देखील महिला कर्मचाऱ्याला याचा त्रास झाला.त्या सर्वांना पालिकेच्या अग्रवाल रुग्णालयात दाखल करण्यात आले आहे.सुदैवाने या वेळी या ठिकाणी पोहण्यास कोणीही आलेले नव्हते नाहीतर हा आकडा वाढला असता.सध्या या सात ही जणांची प्रकृती स्थिर असून हा स्विमिंग पूल गॅस वाहिनी दुरुस्त होई पर्यंत बंद ठेवण्यात आला आहे.

11/12/2019 20:46:28

नागरिकत्व सुधारणा विधेयक राज्यसभेत मंजूर, 117 विरुद्ध 92 च्या फरकानं विधेयक मंजूर

11/12/2019 20:05:42

नागरिकत्व दुरुस्ती विधेयकाचा राज्यसभेतील मार्ग सुकर;
विधयेक चिकित्सा समितीकडे पाठविण्याविरोधात मतदान; शिवसेना खासदारांचा सभात्याग...

11/12/2019 20:00:50

नागरिकत्व विधेयकासाठी विरोधकांच्या मागणीनुसार राज्यसभेत मतदानाला सुरुवात...

11/12/2019 19:53:48

आरेमधील मेट्रो कारशेडसाठी कापण्यात आलेल्या झाडांच्या चौकशीसाठी समिती गठीत : - आरेमधील मेट्रो कारशेडसाठी कापण्यात आलेल्या झाडांच्या चौकशीसाठी समिती गठीत करण्यात आली आहे. ही समिती वित्त विभागाच्या अप्पर मुख्य सचिवांच्या अध्यक्षतेखाली काम करेल. समितीमध्ये चार सदस्य असतील. समिती पुढील 15 दिवसात याबाबतचा अहवाल सादर करेल.

11/12/2019 17:36:31

महाविकास आघाडीचं सरकार स्थापन होऊन 14 दिवस उलटले. पण अजूनही खातेवाटपावरुन महाविकास आघाडीत गोंधळ सुरु असल्याची माहिती सूत्रांनी दिलीय. योग्य खातेवाटप झालं नाही तर सरकारला बाहेरुन पाठिंबा देण्याचा इशारा काँग्रेसनं दिला आहे. सार्वजनिक बांधकाम, नगरविकास आणि जलसंधारण या 3 महत्त्वांच्या खात्यांवरुन शिवसेना, काँग्रेस आणि राष्ट्रवादीत एकमत झालं नसल्याची माहिती मिळत आहे. त्यामुळं सत्तास्थापनेला 14 दिवस उलटूनही खातेवाटप रखडलं आहे. आजच्या मंत्रिमंडळाच्या बैठकीत खातेवाटप होण्याची शक्यता वर्तवण्यात येत होती. मात्र इथेही नव्या मंत्र्यानी निराशाच केली

11/12/2019 15:41:00

मुंबई-नागपूर समृद्धी महामार्गाला बाळासाहेब ठाकरे यांचे नाव मिळणार, कॅबिनेटच्या बैठकीत निर्णय

11/12/2019 15:00:04

राज्याची केंद्राकडे 15 हजार 558 कोटी रुपयांची जीएसटी थकबाकी, ही थकबाकी लवकर मिळावी यासाठी मुख्यमंत्री उद्धव ठाकरे यांनी केंद्रीय अर्थमंत्री निर्मला सीतारामन यांना पत्र लिहिलं आहे. राज्याच्या विकासासाठी हा निधी लवकर मिळावा अशी मागणी केंद्राकडे करण्यात आली आहे.

11/12/2019 12:01:43

राज्यसभेच्या 4 खासदारांना प्रकृतीच्या कारणावरुन आज सुट्टी मंजूर, त्यामुळे #CABBill (नागरिकत्व दुरुस्ती विधेयक) सादर झाल्यावर बहुमताचा आकडा 119 वर, गैरहजर राहणाऱ्यांमध्ये 2 अपक्ष, 1 भाजप आणि राष्ट्रवादीचे माजिद मेनन

11/12/2019 11:52:09

गुजरात 2002 दंगलप्रकरणी नरेंद्र मोदींना क्लीन चिट, नानावटी समितीच्या अहवालावरुन मोदींना क्लीन चिट

11/12/2019 11:16:45

आम्हाला कुणी राष्ट्रभक्ती शिकवू नका, मानवतेला कोणताही धर्म नसतो, शिवसेना खासदार संजय राऊतांचा भाजपवर निशाणा

11/12/2019 10:41:54

महाविकास आघाडीत खाते वाटपावरुन अजूनही गोंधळ सुरुच आहे. तीन खात्यांवरुन काँग्रेस, शिवसेना आणि राष्ट्रवादीत एकमत झालेलं नाही. सार्वजनिक बांधकाम, नगरविकास आणि जलसंधारण या खात्यांवरुन तिन्ही पक्षांमध्ये अजूनही घासाघीस सुरु आहे. या तीन खात्यांचे योग्य वाटप होत नसल्यास सरकारला बाहेरुन पाठिंबा देण्याचा इशारा काँग्रेसने दिला आहे.

11/12/2019 08:41:39

डीएस कुलकर्णीसह पत्नी मुलाला अटक, सांगली पोलिसांची पुण्यात कारवाई, येरवाडा कारागृहातून कुलकर्णी कुटुंबास अटक, सांगलीच्या 103 ठेवीदारांची फसवणूक केल्याने अटक, सांगलीत 4 कोटी 27 लाखाच्या फसवणुकीचा गुन्हा दाखल, गुरुवारपर्यंत कुलकर्णी कुटुंबियास पोलीस कोठडी, डीएस कुलकर्णी, पत्नी हेमंती आणि मुलगा शिरीष यांना अटक

11/12/2019 08:56:56

11/12/2019 09:00:55

तीन दशकांपेक्षा जास्त काळ चेन्नईमध्ये निर्वासितांप्रमाणे राहणाऱ्या तामीळ भाषिक श्रीलंकन नागरिकांना भारताचं नागरिकत्त्व प्रदान करण्याची मागणी आध्यात्मिक गुरु श्री श्री रवीशंकर यांनी सरकारकडे केली आहे. लोकसभेत नुकतेच नागरिकत्त्व सुधारणा विधेयक मंजूर झालं आहे. यावर आध्यात्मिक गुरु श्री श्री रविशंकर यांनी इंदापूरमध्ये आपली प्रतिक्रिया दिली.

11/12/2019 08:41:34

11/12/2019 08:41:27

11/12/2019 08:41:10

मुंबई-नागपूरला जोडणारा समृद्धी महामार्ग हा दीक्षाभूमी ते चैत्यभूमी असा असल्याने, या मार्गाला भारतरत्न डॉ. बाबासाहेब आंबेडकर यांचं नाव द्या, अशी मागणी भाजप आमदार गणपत गायकवाड यांची माजी मुख्यमंत्री देवेंद्र फडणवीस यांच्याकडे केली आहे.

11/12/2019 07:43:34

नागरिकत्व दुरुस्ती विधेयक आज राज्यसभेत, शिवसेना आणि जेडीयूच्या भूमिकेबाबत प्रश्नचिन्ह

প্রেক্ষাপট

'आज दिवसभरात' या लाईव्ह ब्लॉगमध्ये देश-विदेशातील घडामोडींचा संक्षिप्त आढावा घेतला जातो. दिवसभर घडणाऱ्या घडामोडी, ब्रेक्रिंग न्यूज एकाच ठिकाणी, एकाच क्लिकवर वाचता येतात. राजकारणापासून मनोरंजनापर्यंत आणि टेक्नॉलॉजीपासून लाईफस्टाईलपर्यंत सर्व बातम्यांचे सुपरफास्ट अपडेट्स वाचकांना इथे मिळतील. त्यामुळे सुपरफास्ट अपडेट्स आणि दिवसभरातील ब्रेकिंग न्यूजसाठी लॉगऑन करा www.abpmajha.in

महत्त्वाच्या हेडलाईन्सवर एक नजर....

1. गृह आणि नगरविकास खातं शिवसेनेकडे, तर अर्थ आणि गृहनिर्माण खातं राष्ट्रवादीकडे, सूत्रांची माहिती, अधिवेशनानंतर मंत्रिमंडळ विस्ताराची शक्यता

2. तब्बल 5 वर्षांनंतर खडसे आणि ठाकरेंमध्ये समोरासमोर बसून चर्चा, मुंडेंच्या स्मारकाबाबत फडणवीसांनी निराशा केल्याचा सूर, भाजपकडून खडसेंची मनधरणी सुरु

3. नागरिकत्व दुरुस्ती विधेयक आज राज्यसभेत, शिवसेना आणि जेडीयूच्या भूमिकेबाबत प्रश्नचिन्ह, तर माजी मुख्यमंत्री फडणवीस यांची शिवसेनेवर टीका

4. नवी मुंबईत कांद्याचे दर 60 रुपयांपर्यंत घसरले, आवक वाढल्यानं भाज्याही स्वस्त, मात्र दुकानदारांकडून डाळींची कृत्रिम दरवाढ

5. मुंबईतल्या वानखेडे स्टेडियमवर भारत वि. वेस्ट इंडिज निर्णायक टी-२० लढत, क्रिकेटच्या पंढरीत मालिका विजयाचे विराट सेनेचं लक्ष्य

6. अ‍ॅसिड हल्ल्याची सावज ठरलेल्या लक्ष्मीची कहाणी सांगणाऱ्या छपाक सिनेमाचा ट्रेलर लाँच, ट्रेलर पाहताना दीपिकाला अश्रू अनावर